ایران د امریکا اېف ۳۵ جېټ الوتکه ویشتلې
د ایران رسمي حکومتي پاڼو او رسنیو لیکلي چې د ایران په فضاء کې یې د امریکې تر ټولو پرمختللې جېټ اېف ۳۵ جنګي الوتکه د هوايي دفاعي سیستم په مرسته ویشتلې.
همدا اوس ځینو نورو ایراني پاڼو خبر خپور کړ چې په بندرعباس کې هم د ایران هوايي دفاعي سیستم کوښښ کوي د امریکې او اسرائیلو نورې جېټ جنګي الوتکې تخریب کړي.
د یادونې وړ ده چې د امریکې اېف ۳۵ جنګي الوتکې تر دې دمه د کوم دفاعي سیستم لخوا نه دي تخریب شوي. د امریکې متحده ایالات وايي چې دغه الوتکې د هېڅډول رادار لخوا نه لیدل کېږي او له همدې امله یې ویشتل غیرممکن دي، خو معلومه شوه چې ددې نه لیدونکي مرغه ویشتل هم ممکن دي.
ایران وايي چې د اېف ۳۵ وېشتونکي مزائیل او دفاعي سیستم یې د اسرائیل-ایران له ۱۲ ورځني جنګ څخه وروسته جوړ کړي دي.
که چېرې ایران د امریکې د یادو الوتکو ویشتل زیات کړي، په دغه جنګ کې به امریکا او اسرائیل له سختو ستونزو سره مخامخ شي.
